“Qəbələ” futbol klubunun əvəzedici komandası Gürcüstan toplanışında növbəti yoxlama oyununu keçirib.

Sportfm.az xəbər verir ki, Tbilisidəki hazırlıq çərçivəsində keçirdiyi ilk iki oyunda yerli “VİT-Corciya” (0:2) və “Saburtalo”nun əvəzedici komandası (1:0) ilə görüşən “qırmızı-qaralar” daha bir paytaxt təmsilçisi isə üz-üzə gəliblər. Komandamız “Lokomotiv”in əvəzediciləri ilə görüşüb. Qarşılaşmada 1 qol vurulub. Matçın 4-cü dəqiqəsində erkən qola sevinən meydan sahibləri minimal hesabla qalib gəliblər – 1:0. Buraxılan topdan sonra üstünlüyü ələ alan “Qəbələ” çoxsaylı qol imkanları əldə etsə də, rəqib qapısına yol tapa bilməyib.

Yanvarın 26-da start götürən təlim-məşq toplanışını başa vuran əvəzedicilər Vətənə dönüblər.

Əvəzedicilər 2017-2018-ci il mövsümünün ikinci yarısının hazırlığını fevralın 5-də Qəbələdə bərpa edəcəklər.

Oxşar xəbərlər

“Qəbələ” klubu Türkiyə toplanışını başa vurdu

"Qəbələ" gürcüləri məğlub etdi

Mütəllimov qol vurdu, "Qəbələ" qalib gəldi

“Qəbələ”-“Şüvəlan” oyununda hesab açılmadı

“Qəbələ” klubu qış təlim-məşq toplanışına start verdi