Fransa ilə oyundan sonra ayağında ağırı hiss edən futzal üzrə millimizin müdafiəçisi Everton Kardoso və ya ləqəbi ilə qeyd etsək “Qallo” İspaniya ilə matçın protokoluna adı daxil ediləməsinə rəğmən, meydana çıxmadı. Daha doğrusu, həkimlərin oynaması üçün heç bir problemin olmadığını bildirməsinə baxmayaraq, baş məşqçi risk etməyərək, onu ehtiyatda saxladı. 
Sportfm.az xəbər verir ki, ¼ final mərhələsinin sabah keçiriləcək oyununda Portuqaliya ilə qarşılaşacaq komandamız bu gün oyunönncəsi son məşqini keçirib və Qalo sona qədər hazırlıq prosesində iştirak edib. Məşq başa çatdıqdan sonra futzalçı AFF-nın mətbuat xidmətinə açıqlama verib: “Ayağımda yüngül ağrı var, amma bu məşq etməyimə, eləcə də oynamağıma mane olmur. Hətta mən İspaniyaya qarşı da oynamaq istəyirdim. Sadəcə, baş məşqçi risk etmək istəmədiyini bildirdi. Məşq prosesi göstərdi ki, meydana çıxmağımda hansısa problem yoxdu”. 
Artıq 2 il əvvəl dünya çempionatının ¼ final mərhələsində Portuqaliyaya qarşı çıxış etmiş millinin üzvü rəqib haqda bunları dedi: “Başa düşürəm, Portuqaliya Avropada ən güclülərdən biridi. Ancaq biz də zəif deyil. Əla komandamız var və biz özümüzə inanırıq. Rikardinyo oyunun nəticəsinə çox təsir edəcək futzalçıdı, çalışacağıq onu zərərsizləşdirək”.
Yaarımfinala yüksəlməklə bağlı şansları da dəyərləndirən Qalo millimizin uğur qazanacağına inanır: “Oyundan əvvəl hər iki komandanın şansı bərabər olur. Ancaq öz komandamı bir addım öndə sayıram. Məncə, biz yarımfinala yüksələcəyik. Buna inanıram, siz də inanın”.

Oxşar xəbərlər

"Bizi çətin bir qarşılaşma gözləyir" - Millimizin üzvü

Alesio biabırçı məğlubiyyəti şərh etdi: Ola bilsin...

Yığmamızın üzvü: Portuqaliya ilə qarşılaşmağımızı istəyirdim

"Artıq bu uğursuz sindroma son qoymağın zamanı çatıb" - Elxan Tağızadə

Joze Alesio Da Silva kimdən çəkindiyini açıqladı: İstənilən saniyədə matçın taleyini həll edəcək