İki gün əvvəl İtaliyanın "Latsio” klubunun baş məşqçisi təyin edilən Marselo Byelsa gözlənilmədən vəzifəsindən gedib. Sportfm.az-ın klubun rəsmi saytına istinadən verdiyi məlumata görə, argentinalı mütəxəssisin bu addımının "Latsio” ilə bağlanan müqaviləyə hörmətsizlik olduğu qeyd edilib. Komandanı yenidən Simone İnzaqinin çalışdıracağı bildirilib. Qeyd edək ki, Marselo Byelsa işlədiyi klublarda rəhbərliklə yola getməməsi ilə seçilən məşqçilərdəndir.