"Patrik Braxner yarışa çox yaxşı başlamışdı, sürətlə gedirdi. Lakin marşrutda buzlu sahə olduğundan, iştirakçıların əksəriyyəti orada yıxıldı".

Sportfm.az xəbər verir ki, bunu report-a açıqlamasında Cənubi Koreyanın Pxençxan şəhərindəki XXIII Qış Olimpiya Oyunlarında Azərbaycanın şef de-missionu Anar Bağırov ölkənin yeganə təmsilçisi, dağ xizəkçiliyinin slalom növündə çıxış edən Patrik Braxnerin yıxlaraq finişə çata bilməməsinə şərh verərkən deyib.

Onun sözlərinə görə, 26 yaşlı avstriyalı legionerlə yanaşı, dünya və olimpiya mükafaçısı olan xizəkçilər buzlu sahədə uğursuzluqla üzləşiblər: "Yarışa qatılan 108 idmançıdan 52-si finiş çata və ikinci keçidə vəsiqə qazana bildi. Digərləri isə mübarizəni dayandırdılar. Braxner yıxılsa da, xəsarət almayıb".

A.Bağırov Azərbaycanın nümayəndə heyətinin fevralın 26-da Pxençxanı tərk edərək, ertəsi gün Bakıya çatacaqlarını da söyləyib.

Qeyd edək ki, Qış Olimpiya Oyunlarına fevralın 25-də yekun vurulacaq.

Oxşar xəbərlər

Olimpiadadakı yeganə təmsilçimiz finişə çata bilmədi - Biabırçılıq

Azərbaycanın da olimpiadada çıxış edəcəyi slalom yarışının püşkü atıldı

Olimpiadada yeganə idmançımız yarışa niyə qatılmadı?

Fərid Mansurov Cənubi Koreyada - FOTO

Azərbaycanın Qış Olimpiadasında iştirak şərtləri açıqlandı