Kiprdə keçirilən 16 yaşadək oğlan basketbolçular arasında Avropa çempionatının "C" divizionunda II turun oyunları keçirilib. Apasport.az saytının məlumatına görə, Azərbaycan yığması meydan sahibləri ilə qarşılaşıb. İlk turda Uelsə qalib gələn (75:51) komandamız bu dəfə meydanı məğlub tərk edib. Yığmamız dramatik keçən görüşdə qələbəni son hissədə əldən verib – 62:63 (16:17, 26:10, 13:21, 7:15). Samit Nuruzadənin rəhbərlik etdiyi komandada yenə Səadəttin Donat hamıdan çox – 13 xal toplayıb.

 

Qeyd edək ki, növbəti matçını bu gün keçirəcək millimiz San-Marino ilə üz-üzə gələcək.