Bakının "İnter" klubunun baş məşqçisi Zaur Svanadze Türkiyə toplanışı çərçivəsində "Elazığspor"la qolsuz bərabərə qaldıqları oyunu şərh edib. Sportfm.az-ın klubun rəsmi saytına istinadən yaydığı xəbərə görə, o, qarşılaşma haqda bunları deyib: "Normal oynadılar. Uşaqlar mübarizə apardılar. Birinci hissədə yaxşı oynadılar. Qol vəziyyətləri oldu. Müdafiəçilər yaxşı, dəqiq oynadılar. Ona görə də, bu oyunun pozitiv alındığını hesab etmək olar. Növbəti oyun Gürcüstanın "Kolheti Poti” komandasıyla olacaq. Sonra mövsümün startına hazırlaşmağa başlayacağıq”.