"Trabzonspor" yeni mövsüm öncəsi heyətini gücləndirib. Qol.az-ın klubun rəsmi saytına istinadən verdiyi məlumata görə, Türkiyə təmsilçisi Moskva "Lokomotiv"indən Yan Duritsanı transfer edib. Slovakiya millisinin üzvü ilə 2 illik müqavilə imzalanıb. 31 yaşlı müdafiəçinin maaşı da bəlli olub. O, "Trabzonspor"da ilinə 1,3 milyon avro qazanacaq. 

Qeyd edək ki, 2009-cu ildən "Lokomotiv"də çıxış edən Duritsa Slovakiya millisinin heyətində 84 oyun keçirib və 4 qol vurub.