Futbol üzrə İspaniya La Liqasını tərk edən ilk komandanın adına aydınlıq gəlib.

Sportfm.az xəbər verir ki, “Malaqa”nın gələn mövsümü Sequndada keçirəcəyi artıq rəsmiləşib.

Bu, La Liqanın 33-cü turuna təsadüf edən “Levante” ilə matçda gerçəkləşib. Belə ki, rəqibinə 0:1 hesabı ilə məğlub olan “Malaqa”nın son 5 turda 17-ci pillədəki kollektivə çatmaq şansı qalmayıb. Bununla da "Malaqa" “böyük beşlik” ölkələrində yüksək liqanı tərk edəcəyi dəqiqləşən ilk klub olub.

Qeyd edək ki, son 10 ili La Liqada keçirən “Malaqa” 2011-12 mövsümündə 4-cü yeri tutmuşdu.

Hazırda bu komanda cəmi 17 xalla 20 iştirakçı arasında sonuncu pillədə qərarlaşıb. “Malaqa” keçirdiyi 33 oyundan 4-də qalib gəlib, 5-də heç-heçə edibsə, 24 matçda məğlubiyyətə üzülüb.
 

Oxşar xəbərlər

Klub əməkdaşlarını kütləvi şəkildə işdən çıxardı

Məhşur futbolçu 3 min maska bağışladı

Baş məşqçi Çindən İspaniyaya köçdü

Klub prezidenti "Barselona"nın çempion olmasını istəmir!

İspaniya klubunda yeni baş məşqçi