"Sevilya"nın hücumçusu Çiro İmmobilenin yeni komandası müəyyənləşib. Qol.az-ın xarici KİV-lərə istinadən verdiyi məlumata görə, italiyalı futbolçu karyerasını vətənində davam etdirəcək. 26 yaşlı futbolçu yeni mövsümdən "Latsio"da oynayacaq. İtaliya klubu bu transfer üçün "Sevilya"ya 9 milyon avro ödəyəcək. İmmobile "Latsio"da ilinə 2 milyon avro qazanacaq. 

Qeyd edək ki, ötən mövsümün ilk yarısını "Sevilya"da oynayan İmmobile qışda "Torino"ya icarəyə verilib.