20 yaşadək futbolçulardan ibarət Azərbaycan yığma komandasının baş məşqçisi Rəşad Sadıqov Makedoniyaya qarşı keçirilən yoxlama oyunundan (0:1) sonra fikirlərini bölüşüb. 

Sportfm.az xəbər verir ki, o, bunları söyləyib: 

“Ümumilikdə təlim-məşq toplanışından və futbolçulardan razı qaldım. Komandadakı çatışmazlıqları aradan qaldırmaq üçün daha çox oyun keçirmək istərdim. 12 gün bir yerdə olduq və 3 yoldaşlıq oyunu keçirdik. Bu oyuna gəlincə, iki fərqli hissə oldu. Az oynayan futbolçulara şans verdim. Azərbaycan çempionatı ilə beynəlxalq oyunlar fərqlidi. Kimsə zəif çıxış etdi və ya oyunu alınmadısa, bu o demək deyil ki onları silməliyik. Onları başa düşmək lazımdı. Futbolçularımız az beynəlxalq oyun keçirirlər. Optimal heyəti hələ müəyyənləşdirməmişəm. Zədəli futbolçularımız var idi ki, bu toplanışda bizimlə ola bilmədilər. Komandadan 12-13 futbolçunu U-21-in toplanışına da dəvət edəcəm. Avtoqol məni çox məyus etmədi. Bu, texniki səhvdi. Məni daha çox kiminsə mübarizədən yayınması və ya asan təslim olması məyus edər. Futbolçularımız oyundan oyuna inkişaf edəcəklər”.

Oxşar xəbərlər

"Heç bir futbolçu ilə razılığa gəlməmişik" - Rəşad Sadıqov

Şopiç komandasının daha yaxşı yerdə olacağına inanır

"Futbolçuların oyun praktikası yoxdur" - Vüqar Məmməd

Yığmamız “Keşlə” ilə üz-üzə gəldi - FOTO

Qurban Qurbanov: "Təlim-məşq toplanışından razı qaldım"