Yay təlim-məşq toplanışının 2-ci mərhələsini Türkiyənin Bolu şəhərində keçirəcək “Zirə”nin qonşu ölkədə planlaşdırılan yoxlama oyunlarındakı rəqiblərinin üçünün adı məlum olub.

Sportfm.az xəbər verir ki, iyulun 19-da səfərə çıxacaq komandamız ilk görüşünü bir gün sonra Qətərin yüksək liqa təmsilçisi “Əl-Xaritiyah” klubuna qarşı keçirəcək. Ayxan Abbasovun baş məşqçisi olduğu komanda bundan başqa daha 3 görüşə çıxacaq. Belə ki, “qartallar” iyulun 23-də Türkiyə Super Liqa təmsilçisi “Osmanlıspor”, 27-də isə qardaş ölkənin 1-ci liqa təmsilçisi “Əskişəhərspor”la qarşılaşacaq. Həmçinin, iyulun 30-da komadanmız daha bir yoxlama matçına çıxacaq. Bu oyundakı rəqibin kimliyinə isə qarşıdakı günlərdə aydınlıq gələcək. 

Komanda avqustun 1-də Bakıya qayıdacaq.

Oxşar xəbərlər

"Turan Tovuz" İsveçrə klubuna qarşı

"Qəbələ" Super Liqa klubuna qarşı - Yoxlama oyunu

"Zirə" yerli klublarla görüşəcək - Hazırlıq planı məlum oldu

"Sabah" Türkiyə toplanışına start verdi

"Sabah" Super Liqa klubu ilə qarşılaşacaq