"Real"ın futbolçusu Serxio Ramos Avropa futbolunun tarixinə düşüb. Komanda.az xəbər verir ki, Ramos üç avrokubok finalında qol vuran ilk müdafiəçi olub. O, "Sevilya" ilə keçirilən superkubok görüşünün 93-cü dəqiqəsində hesabı bərabərləşdirərək, "Real"ı məğlubiyyətdən xilas edib. Bu qol Ramosu futbolun tarixinə salıb. Serxio 2014 və 2016-cı illərdə keçirilən Çempionlar Liqasının finallarında da qol vurmuşdu. Ramosdan başqa "Real"ın daha 2 iki futbolçusu - Raul və Alfredo di Stefano 3 və daha artıq finalda qol vurub. Ancaq onlar müdafiəçi deyillər.

Bundan əlavə, 30 yaşlı futbolçu "Real"ın son üç final oyununda da fərqlənib. O, 2014-cü ildə keçirilən klublararası dünya çempionatının, 2016-cı ildə Çempionlar Liqasının finalında və avqustun 9-da superkubok uğrunda qarşılaşmada qol vurmağı bacarıb.