Avstraliya futbolunun əfsanələrindən sayılan Tim Keyhill karyerasını vətənində davam etdirəcək. Komanda.az xəbər verir ki, 36 yaşlı futbolçu "Melbrun Siti”ylə anlaşıb. Tərəflər arasında müqavilə 3 illik nəzərdə tutulub. Keyhill ilk iki mövsümdə futbolçu, son mövsümdə isə oynayan məşqçi kimi çıxış edəcək. O, 17 nömrəli formada meydana çıxacaq. Keyhillin son klubu Çinin "Hançjou Qrintaun” komandası olub. O, Avropada "Everton”dakı çıxışı ilə şöhrət tapıb. Keyhill bu komandanın heyətində keçirdiyi 278 oyunda 68 qol vurub.

Tim "Sidney”in yetirməsi sayılır. Veteran futbolçu 19 il əvvəl Avstraliyanı tərk etmişdi.