İtaliya "İnter”i növbəti transferini həyata keçirib. Futbolinfo.az xəbər verir ki, Milan klubu "Sportinq”in yarımmüdafiəçisi Joao Marionu heyətinə qatıb. Portuqaliya yığmasının heyətində Avropa çempionatında əla çıxışla diqqət çəkən Mario avqustun 15-də yeni klubu ilə münasibətləri rəsmiləşdirəcək. Bu keçid italyanlara 40 milyon avroya başa gəlib. 23 yaşlı futbolçu özünü doğrulda bilsə, "neradzurra” qarşı tərəfə daha 5 milyon avro ödəyəcək. "İnter”lə 5 illik müqavilə imzalayacaq Avropa çempionunun illik məvacibi 3 milyon avro təşkil edəcək.

 

Qeyd edək ki, "İnter” ona qədər Caner Erkin, Ever Baneqa, Canluka Kaprari və Antonio Kandrevanı transfer etmişdi.