"Qəbələ”nin sabiq baş məşqçisi Yuri Syomin keçmiş komandası "Lokomotiv”ə qayıda bilər. Qol.az-ın "Sport-ekspress”ə istinadən yaydığı xəbərə görə, Moskva klubunun Direktorlar Şurasının üzvü Anotoli Meşerakov bildirib ki, Syominin yenidən komandanı çalışdırması istisna deyil. Təcrübəli mütəxəssis özü isə bildirib ki, məsələ ilə bağlı "Lokomotiv”in yeni prezidenti İlya Qerkusun zəngini gözləyir.

Xatırladaq ki, Syominin rəhbərliyi altında "Lokomotiv” 2 dəfə Rusiya çempionu və 4 dəfə ölkə  kubokunun qalibi olub. O, 1986-1990, 1992-2005 və 2009-2010-cu illərdə "dəmiryolçular”da baş məşqçisi kimi çalışıb.