Bu gün UEFA Çempionlar Liqasının qrup mərhələsində II tura start veriləcək.

Sportfm.az xəbər verir ki, ilk oyun günündə 4 qrupda 8 qarşılaşma keçiriləcək. 

E qrupunda yer alan Almaniyanın “Bavariya” klubu “Alyanz Arena”da Hollandiyanın “Ayaks” komandasını qəbul edəcək. Portuqaliya çempionu “Benfika” isə səfərdə Yunanıstanın AEK klubunun qonağı olacaq.

F qrupunda yer alan Almaniyanın “Hoffenhaym” klubu doğma meydanda İngiltərə çempionu “Mançester Siti” komandasını qəbul edəcək. Qrupun digər qarşılaşması Fransada oynanılacaq. “Lion” Ukraynanın “Şaktyor” klubunu qəbul edəcək.

UEFA Çempionlar Liqasının son qalibi İspaniyanın “Real Madrid” klubu G qrupunda səfərdə Rusiyanın MOİK komandasının qonağı olacaq. İtaliyanın “Roma” klubu isə doğma meydanda “Olimpiko” stadionunda Çexiya təmsilçisi “Viktoriya Plzen” klubunu qəbul edəcək.

H qrupunda yer alan İtaliyanın “Yuventus” klubu doğma meydanda İsveçrənin “Yanq Boyz” klubu ilə münasibətlərə aydınlıq gətirəcək. Qrupun digər qarşılaşması isə İngiltərədə baş tutacaq. “Mançester Yunayted” İspaniyanın “Valensiya” klubunu qəbul edəcək.

Çempionlar Liqası, II tur

2 oktyabr

E qrupu

23:00. AEK (Afina, Yunanıstan) - "Benfika" (Portuqaliya) 

23:00. "Bavariya" (Münhen, Almaniya) - "Ayaks" (Hollandiya) 

F qrupu 

20:55. "Hoffenhaym" (Almaniya) - "Mançester Siti" (İngiltərə) 

23:00.  "Lion" (Fransa) - "Şaxtyor" (Donetsk, Ukrayna)  

G qrupu 

23:00. MOİK (Moskva, Rusiya) - "Real Madrid" (İspaniya) 

23:00. "Roma" (İtaliya) - "Viktoriya" (Plzen, Çexiya) 

H qrupu 

20:55. "Yuventus" (İtaliya) - "Yanq Boyz" (İsveçrə) 

23:00. "Mançester Yunayted" (İngiltərə) - "Valensiya" (İspaniya)

Qeyd edək ki, Çempionlar Liqasının II turuna oktyabrın 3-də yekun vurulacaq. 

Oxşar xəbərlər

Çempionlar Liqasında qrup mərhələsinin oyunlarına yekun vurulacaq - SİYAHI

Çempionlar Liqasının qrup mərhələsində V tura start veriləcək

Çempionlar Liqasının qrup mərhələsində IV tura yekun vurulacaq

Çempionlar Liqası: I tura yekun vurulacaq

Çempionlar Liqasında qrup mərhələsinin təqvimi açıqlandı