2022-ci ildə Qətərdə keçiriləcək dünya çempionatında texnologiyanın ən son nailiyyətlərindən biri tətbiq olunacaq. 

Sportfm.az xəbər verir ki, mundial ərzində stadionlarda soyutma sistemlərindən istifadə ediləcək. 

Bu sistemin köməkliyi ilə su buxar şəklində xüsusi soyuducu başlıqlardan keçərək, birbaşa arenaya daxil olacaq və həmin ərazidə havanın temperaturunun 20 dərəcəyə qədər aşağı düşməsinə şərait yaradacaq. 

Artıq yeni texnologiya 48 min azarkeş tutumuna malik “Doha Xəlifə” stadionunda sınaqdan keçirilib və uğurlu nəticə əldə olunub. 

Qətər rəhbərliyi bu sistemdən istifadə etməklə ölkədəki isti hava şəraitindən (yay aylarında 42-45, qış aylarında isə 25-30 dərəcə) şikayət edən yığmaların narazılığına birdəfəlik son qoymaq istəyir. 

DÇ-2022 ilk dəfə payız aylarında – 21 noyabr – 18 dekabr tarixlərində keçiriləcək.

Oxşar xəbərlər

Ofsaydla bağlı yeni sistemdən istifadə ediləcək - FIFA DÇ-2022-də

DÇ-2022 üçün daha bir stadionun açılışı oldu - Qətərdə

Millimizin rəsmi oyunlarında VAR sistemi tətbiq olunacaq

Daha bir çempionatda VAR tətbiq olunacaq

Türkiyədə VAR var olacaq