“Qəbələ”nin 19 yaşadək futbolçulardan ibarət komandası UEFA Gənclər Liqası çərçivəsində növbəti oyununu keçirəcək.

Sportfm.az xəbər verir ki, Çempionlar yolunda mübarizə aparan “qırmızı-qaralar” sabah doğma meydanda Almaniya çempionu “Herta” ilə qarşılaşacaq. Berlin klubu ilə ilk görüş Qəbələ şəhər stadionunda keçiriləcək. Matç saat 17:00-da başlayacaq.

Görüşün 4-cü hakimi İnqilab Məmmədov, hakim-inspektoru isə AFFA Hakimlər Departamentinin rəhbəri Frits Ştuxlik olacaq.

Komandalar arasında cavab oyunu isə üç həftə sonra – noyabrın 28-də Belində baş tutacaq. Qalib komanda pley-off mərhələsinə yüksələcək.

Xatırladaq ki, “Qəbələ” I mərhələdə Moldova “Şerfi”ini mübarizədən kənarlaşdırıb – 1:1, 3:1.

UEFA Gənclər Liqası

Çempionlar yolu

II mərhələ

7 noyabr, saat 17:00.

“Qəbələ” – “Herta”

Hakimlər: Daniyar Saxi, Rustam Matyakubov, Maral Abdikerov (hamısı Qazaxıstan), İnqilab Məmmədov (Azərbaycan)

UEFA nümayəndəsi: Anna Aleksandra Raspopoviç (Monteneqro)

Hakim-inspektor: Frits Ştuxlik (Azərbaycan)

Qəbələ şəhər stadionu

Oxşar xəbərlər

"Qəbələ" UEFA Gənclər Liqasında növbəti oyununu keçirəcək

"Qəbələ" "Herta"ya məğlub oldu

"Qəbələ" Almaniya təmsilçisi ilə qarşılaşacaq

"Qəbələ" - "Herta" oyununun hakimləri açıqlandı

"Qəbələ" Moldova klubuna qarşı