Avroliqanın qrup mərhələsində "Qəbələ”nin rəqibləri olan "Sent Etyen” və "Anderlext” ölkə çempionatında növbəti oyunlarına çıxıblar. Sportfm.az xəbər verir ki, "Sent Etyen” Fransa çempionatının üçüncü turunda öz meydanında "Tuluza”nı qəbul edib. Matç qolsuz bərabərliklə tamamlanıb. 3 turdan sonra 4 xal toplayan "Sent Etyen” 10-cu pillədə qərarlaşıb.

"Anderlext” isə Belçika birinciliyinin beşinci turunda "Gent”lə üz-üzə gəlib. Matç 2:2 hesabı ilə başa çatıb. 9-cu xalının qazanan "Anderlext” 5 turdan sonra turnir cədvəlində beşincidir.