"Formula-1” Williams komandasının pilotu braziliyalı Felipe Massa karyerasını bitirəcəyini açıqlayıb. Sportfm.az saytı xarici mətbuata istinadən xəbər verir ki,  o bu haqda İtaliyanın Montsa şəhərində baş tutan mətbuat konfransında açıqlama verib. Massa bu il mövsümün sonunda böyük idmandan gedəcək: 

"Son zamanlar bu qərarı vermək üçün çox fikirləşirdim. Artıq getmək vaxtıdır. Mövsümün sonunda "Formula-1” yarışlarını tərk edəcəm. Fəal idmançı həyatıma nöqtə qoymaq qərarım qətidir”, - deyə Massa bildirib.

Qeyd edək ki, 35 yaşlı braziliyalı hazırda Montsada keçirilən "Formula-1” bir yarışlarının 14-cü mərhələsində iştirak edir.