İspaniya La Liqasının 22-ci turunun "Valensiya" ilə dünənki oyununda (2:2) zədələnən "Barselona"nın kapitanı Lionel Messinin durumuna aydınlıq gəlib. 

Sportfm.az xəbər verir ki, Kataloniya klubundan verilən açıqlamada argentinalı superulduzun zədəsinin ciddi olmadığı bildirilib. 

Matçın 70-ci dəqiqəsində sağ ayağının bud nahiyyəsindən xəsarət alan 31 yaşlı forvardın tibbi müayinəyə ehtiyacının olmadığı vurğulanıb. 

Bu isə o deməkdi ki, Messi İspaniya Kral Kubokunun yarımfinal mərhələsinin "Real"la ilk oyununu buraxmayacaq. 

Kubokda ilk "El-Klassiko" fevralın 6-da, cavab görüşü isə 3 həftə sonra olacaq.