Düz 20 il bundan əvvəl London "Arsenal"ına Yaponiyadan bir məşqçi dəvət olundu. Sportfm.az məlumat verir ki, bu "Naqoya Qrampus Eyt"i çalışdırmış fransalı Arsen Venger idi. İxtisasca iqtisadçı olan Venger 1996-cı ildə "Hayberi" stadionunun mətbuat zalında ilk dəfə ingilis jurnalistlərin qarşısına çıxdı. Ölkə futbolunda baş verən hadisələri səs-küylə yayımlamağı sevən ada mətbuatı onların qarşısına çıxan sakit, təvazökar fransızı gördükdə kiçik şok yaşadı. Artıq aradan 20 il keçməsinə baxmayaraq, öz sakitliyini qoruyan Arsen Venger hələ də "Arsenal"da işini davam etdirir.