Böyük ehtimalla, "Roma”nın hücumçusu Françesko Totti karyerasını İtaliyada davam etdirəcək. Komanda.az xəbər verir ki, Tottinin karyerasını ABŞ-da davam etdirə biləcəyilə bağlı məlumat yayılmışdı. Futbolçunun həyat yoldaşı İllari Blazi bu məsələyə münasibət bildirib. O, Tottinin ABŞ-da oynamayacağını deyib: "Amerika? Niyə? Yox, biz Amerikaya getməyə hazırlaşmırıq. Mən Romada qalacam. Bu dəqiqdi. Həyatda bir neçə şey var ki, ona şübhə etmirsən. Bu da onlardan biridi. Françesko özünü əla hiss edir. O, xoşbəxtdi. Həyatda insana daha nə lazımdı?”

Tottinin "Roma” ilə müqaviləsi 2017-ci ilin yayında başa çatır. O, bu klubda 1993-cü ildən çıxış edir.