"Qarabağ"ın müdafiəçisi Ansi Aqolli karyerasını ABŞ-da davam etdirəcək. 

Sportfm.az xəbər verir ki, 36 yaşlı müdafiəçi "Nyu-York Kosmos" ilə danışıqlar aparıb və transferin detallarında anlaşma əldə edib. 

Yaxın günlərdə  ABŞ klubu ilə rəsmi müqavilə bağlayacaq. Aqolli həyat yoldaşının Amerikada yaşadığı üçün belə bir təklifə müsbət yanaşıb. 

"Nyu-York Kosmos" Şimali Futbol Liqasında mübarizə aparır (II Liqa).  

Aqolli 2010-cu ildən "Qarabağ"da çıxış edirdi. Albaniya millisinin sabiq üzvü Ağdam klubunda 5 dəfə ölkə çempionu olub, 3 dəfə ölkə kubokunu qazanıb.