Azərbaycan yığmasının Xorvatiya ilə AÇ-2020-nin seçmə mərhələ oyununda meydana çıxan Emin Mahmudovun formasında onun soyadı ilə bağlı böyük yanlışlığa yol verilib.

Sportfm.az xəbər verir ki, yarımmüdafiəçinin soyadı “Makhmudıv” formasında qeyd olunub ki, bu da futbol ictimaiyyəti tərəfindən ciddi tənqidlərlə qarşılanıb.

AFFA sözügedən məsələ ilə bağlı rəsmi açıqlama yayıb. Qurumun yaydığı açıqlamada bunlar qeyd olunub: “AÇ-2020-nin seçmə mərhələsində Zaqreb şəhərində keçirilmiş Xorvatiya – Azərbaycan oyununda 72-ci dəqiqədə meydana daxil olan Emin Mahmudovun formasının üzərindəki soyadında hərf səhvi olub. AFFA rəhbərliyi qeyd olunan texniki yanlışlıqla bağlı məsul şəxslərə ciddi xəbərdarlıq edib”.

Qeyd edək ki, Azərbaycan millisi Xorvatiya ilə oyunda forma ilə bağlı digər qaydaları da pozub. 

Oxşar xəbərlər

AFFA açıqlama yaydı - “Teşkilat” serialı ilə bağlı

AFFA 5 əvəzetməni videokonfransda müzakirəyə çıxaracaq

AFFA mətbuat konfransı keçirməyə ehtiyac duymur!

AFFA Belarusla oyunda buna görə azarkeşlərdən üzr istədi - FOTO

FİFA: Şeydayevlə Mahmudov Azərbaycan millisində oynaya bilər!