Azərbaycanın olimpiya mükafatçısı Teymur Məmmədov karyerasını peşəkar boksda davam etdirməkdən imtina edib.

Sportfm.az xəbər verir ki, bu barədə 26 yaşlı idmançının özü məlumat verib.

O bildirib ki, Almaniyada peşəkar boks üzrə turnirə qatılmaq üçün dəvət alsa da, cavabı mənfi olub. Məmmədov imtina qərarını ailəsindən uzaq qalmaq istəməməsi ilə əlaqələndirib.

Qeyd edək ki, Teymur Məmmədov 2012-ci il London Yay Olimpiya Oyunlarının bürünc mükafatçısıdır. Bir müddət əvvəl həvəskar boksçu karyerasını başa vuran döyüşçü Avropa çempionu və “Bakı 2015” I Avropa Oyunlarının qalibidir. O, həmçinin dünya çempionatının gümüş və bürünc medallarını qazanıb.

Oxşar xəbərlər

Məcidov peşəkar boksda ilk döyüşünü keçirdi - FOTO

Olimpiya mükafatçısının peşəkar boksda debüt edəcəyi tarix bəlli oldu

Millimizin sabiq üzvü rəqib boksçuyla döyüşməkdən qorxdu

Olimpiya mükafatçımız karyerasını bitirəcəyi tarixi açıqladı

Rio-2016: Teymur Məmmədov 1/8 finalda!