"Arsenal"ın baş məşqçisi Arsen Venger İngiltərə millisinin baş məşqçisi təyin olunma ehtimalı barədə danışıb. Komanda.az xəbər verir ki, "topçular"ın "sükanı arxasında" 20-ci ilini qeyd edən fransız mütəxəssis mətbuat konfransında jurnalistlərin İngiltərə millisi ilə bağlı sualına belə cavab verib: "Mənim əsas vəzifəm burda yaxşı iş görmək idi. "Arsenal" həmişə mənim doğma klubum olacaq. Ancaq nə vaxtsa burdan ayrılsam, niyə də olmasın? Lakin hazırda ancaq öz işimə köklənmişəm və bu barədə düşünmürəm".

"Arsenal" İngiltərə Premyer Liqasının cari mövsümündə 13 xalla 4-cü pillədə yer alıb.