Almaniya Bundesliqasında 2018/2019 mövsümünün qalibi müəyyənləşib.

Sportfm.az xəbər verir ki, bu, "Bavariya"dır. Münhen klubu son turda "Ayntraxt"a 5:1 hesabı ilə qalib gələrək 78 xalla ardıcıl 7-ci, ümumilikdə isə 29-cu dəfə ölkə çempionu olub. Komandanın qollarını Kinqsli Koman, Renato Sançes, Frank Riberi, Aryen Robben, David Alaba vurub.

Son turda Münhenqladbax "Borussiya"sına 2:0 hesabı ilə qalib gələn Dortmund "Borussiya"sı 76 xalla 2-ci pillə ilə kifayətlənib. "Leyptsiq" isə 66 xalla 3-cü olub. Beləliklə, "Bavariya", "Borussiya" (Dortmund), "Leyptsiq" və 4-cü olan "Bayer" (Leverkuzen) ÇL-in qrup mərhələsində oynamaq hüququ qazanıb. 
Münhenqladbax "Borussiya"sı (5-ci yer), "Volfsburq" (6-cı yer) və "Ayntraxt" isə Avroliqada çıxış edəcəklər.
Qeyd edək ki, Bundesliqa ilə "Nürnberq" və "Hannover" vidalaşıb. "Ştutqart" isə elitada qalmaq üçün pley-off-da oynayacaq.

Oxşar xəbərlər

"Bavariya" 5 qolla qalib gəldi

"Borussiya" zəfər yürüşünü davam etdirir

"Borussiya" xal fərqini qorudu

"Bavariya" əsas rəqibinə məğlub oldu

"Borussiya" ilə Robert başladı, Frank bitirdi