Madrid "Real"ının yarımmüdafiəçisi Qaret Beyl növbəti mövsüm İngiltərə Premyer Liqasında oynaya bilər. Apasport.az saytı xəbər verir ki, uelsli futbolçunun "Mançester Yunayted"də forma geyinəcəyi gözlənilir. "Football Espana"nın iddiasına görə, Beylin agenti ötən həftə "Mançester Yunayted"in baş məşqçisi Joze Mourinyo və icraçı direktor Ed Vudvordla görüşü zamanı Beylin mümkün transferi barədə fikir mübadiləsi aparılıb.

 

Xatırladaq ki, Beylin "Real"la müqaviləsi 2019-cu ilin iyunun 30-da başa çatır.