Azərbaycan Respublikasının Prezidenti İlham Əliyev mayın 29-da Avropa Futbol Assosiasiyaları Birliyinin (UEFA) prezidenti Aleksandr Çeferinin başçılıq etdiyi nümayəndə heyətini qəbul edib. 

Sportfm.az xəbər verir ki, dövlət başçısı İlham Əliyev Aleksandr Çeferin və UEFA İcraiyyə Komitəsinin üzvləri ilə əvvəlki görüşünü xatırlayaraq yenidən nümayəndə heyətinin Bakıya səfərindən məmnunluğunu ifadə edib. Prezident İlham Əliyev Azərbaycan ilə UEFA arasında uğurlu əməkdaşlığın həyata keçirildiyini bildirib. 

Avropa Futbol Assosiasiyaları Birliyinin prezidenti Aleksandr Çeferin Bakıda UEFA Avropa Liqasının final oyununun keçirilməsi üçün yüksək səviyyədə hazırlıq işlərinin görüldüyünü qeyd edib. O, Bakının çox gözəl şəhər olduğunu, müasir inkişafı və tarixi ənənələri özündə birləşdirdiyini vurğulayıb, onların paytaxtımızda özlərini çox rahat hiss etdiklərini deyib. UEFA-nın Prezidenti Aleksandr Çeferin Avropa Futbol Assosiasiyaları Birliyinin Azərbaycan Futbol Federasiyaları Assosiasiyası ilə uğurlu əməkdaşlıq həyata keçirdiyini qeyd edərək yaradılmış şəraitə görə minnətdarlığını bildirib.

Oxşar xəbərlər

Dövlət başçısı Avropa Olimpiya Komitələrinin prezidentini qəbul etdi - FOTO

Prezident İlham Əliyev Vizeri qəbul etdi - FOTO

Prezident İlham Əliyev Dünya Güləş Birliyinin prezidentini qəbul etdi

Prezident İlham Əliyev şahmat üzrə milli komandamızı qəbul etdi

Prezident İlham Əliyev UEFA-nın yeni rəhbərini qəbul edib - FOTO