Türkiyə Super Liqasına vəsiqə qazanan üçüncü komanda bəlli olub.

Sportfm.az xəbər verir ki, I Liqanın pley-off mərhələsində "Hatayspor"la "Qaziantep BB" qarşılaşıb. Oyunun əsas və əlavə vaxtında qalib müəyyənləşməyib - 1:1. 

Penaltilər seriyasında "Qaziantep BB" qalib olub və komanda Super Liqaya vəsiqə qazanıb. 

Qaziantep təmsilçisinin baş məşqçisi Mehmet Altıbarmaq ötən mövsüm "Ərzurumspor"u Super Liqaya yüksəltmişdi. 

Daha öncə "Dənizlispor"la "Gənclərbirliyi" Super Liqaya yüksəlmişdi. 

Qeyd edək ki, 2015-ci ildə "Qarabağ"da çıxış etmiş Raydell Pupon "Qaziantep BB" klubunda çıxış edir. Matçda sonadək oynayan hücumçu mövsümü 9 qolla tamamlayıb.

Oxşar xəbərlər

Ramil Şeydayev Super Liqada çıxış edə bilər

53 yaşı olan klub ilk dəfə yüksək liqada oynayacaq - Super Liqa

Dəqiqləşdi - yığmamızın futbolçusu Super Liqada çıxış edəcək

"Qarabağ"ın sabiq üzvü Qaziantep klubunda

Super Liqaya yüksələn klubların adları müəyyənləşdi