“Zirə” yay transfer pəncərəsində heyətini yeni futbolçu ilə gücləndirib. 

Sportfm.az xəbər verir ki, qəsəbə təmsilçisi Miloş Bakraçla anlaşıb. 27 yaşlı müdafiəçi ilə 1 illik müqavilə bağlanılıb.  

Monteneqrolu futbolçu bundan öncə “Syon”(İsveçrə), “Buduçnost” (Monteneqro), “Travnik” (Bosniya və Hersoqovina), “Suteska” (Monteneqro), “Jeljezniçar” (Bosniya və Hersoqovina) və OFK Titoqrad (Monteneqro) klublarında çıxış edib. 

"Zirə" daha öncə Elvin Məmmədov, Cavid Hüseynov, Elvin Camalov, Nicat Süleymanov və Boyan Zaqoviçi transfer edib.