Topaz Premyer Liqasının VIII turunun hazırlıqlarını davam etdirən "Qəbələ" yoxlama oyunu keçirib. Sportfm.az-ın klubun saytına istinadən yaydığı xəbərə görə, Roman Qriqorçukun futbolçuları klubun əvəzedici komandası ilə qarşılaşıb. Əsas komanda 7:1 hesabı ilə qalib gəlib. Əsas komanda  Qəbələ şəhər stadionundakı matça aşağıdakı heyətlə başlayıb: Dmitri Bezotosnı, Rikardinyo, Ürfan Abbasov, Rafael Santos, Vitali Vernidub, Elvin Camalov, Teo Uiks, Roman Hüseynov, Filip Ozobiç, Asif Məmmədov, Baqali Dabo.

Qriqorçuk oyunun gedişində Rəşad Eyyubov, David Pietrzkieviç, Sadiq Quliyev, Tellur Mütəllimov, Murad Musayev, Petar Franyiç, Qismət Alıyev, Ramil Hasanov, Ehtiram Şahverdiyev və Hacıağa Hacıyevə də şans verib.