Macarıstanın paytaxtı Budapeştdə qadın voleybolçular arasında Avropa çempionatı davam edir.

Sportfm.az xəbər verir ki, C qrupunda yer alan Azərbaycan millisi növbəti sınağına çıxıb.

Yığma bu dəfəki rəqibi ev sahibi Macarıstan olub. Hər iki komanda ilk iki turda bənzər nəticələr əldə etdiyindən, qarşılaşmaya ikiqat maraq var idi.

Milli Xorvatiyaya qalib gəlib, Hollandiyaya yenilmişdisə, macarlar Estoniyanı üstələyib, Rumıniyaya uduzmuşdu.

Covanni Kapraranın yetirmələri qrupda ilk "4-lüy"ə düşmək üçün bu gün mütləq qalib gəlməliydi. Milli bu vəzifənin öhdəsindən inamlı qələbə ilə gəlib.

C qrupunun digər matçında Hollandiya ilə Xorvatiya üz-üzə gəlib. Hollandlar bu görüşdə də qalib gəlməklə (3:0) birinci pillədəki mövqelərini gücləndiriblər.

C qrupu, III tur

Macarıstan – Azərbaycan - 0:3 (21:25, 15:25, 22:25)

Budapeşt. Lasso Pappa adına İdman Arenası.

Oxşar xəbərlər

Millimiz Macarıstanla üz-üzə - YENİLƏNİR

Hollandiya qarşısında tab gətirmədik

Avropa çempionatına qələbə ilə başladıq

Millimiz Avropa çempionatında mübarizəyə başlayır

Azərbaycan millisi Sloveniyanı məğlub etdi