Azərbaycan Premyer Liqasının 3-cü turunda bu gün keçirilən “Neftçi” – “Sumqayıt”  matçında (2:1) xoşagəlməz hal yaşanıb.
Sportfm.az xəbər verir ki, matçın son dəqiqələrində - “Neftçi”nin 2-ci qolundan sonra qonaqların kapitanı Vurğun Hüseynovla  “ağ-qaralar”ın oyunçusu  Anton Krivotsyuk arasında qalmaqal yaşanıb.  Krivotsyuk qoldan sonra Hüseynova qarşı qeyri-etik jest edib. Vurğun isə gənc müdafiəçini vurub.Görüşün baş hakimi Səbuhi Bayramov Krivotsyuku ikinci sarı, Hüseynovu isə birbaşa qırmızı vərəqə ilə meydandan qovub.Bundan başqa, qalmaqal zamanı “Sumqayıt”ın baş məşqçisi Ayxan Abbasovla “Neftçi”nin məşqçisi Etibar Tarverdiyev arasında da mübahisə düşüb. Hakim Tarverdiyevə sarı vərəqə göstərib.