Futbol üzrə Azərbaycan milli komandası bu gün AVRO-2020-nin seçmə mərhələsində növbəti oyununu keçirəcək.

Sportfm.az xəbər verir ki, Nikola Yurçeviçin rəhbərlik etdiyi kollektiv səfərdə Uels yığması ilə üz-üzə gələcək.

Kardiff şəhər stadionunda keçiriləcək qarşılaşmanı Farrucia Kannın rəhbərlik etdiyi Maltadan olan hakimlər briqadası idarə edəcək.

Azərbaycan yığması E qrupundakı ilk 3 görüşdə məğlub olub. Səfərdə Xorvatiyaya 1:2 hesabı ilə yenilən komanda evdə Macarıstana 1:3, Slovakiyaya 1:5 hesabı ilə uduzub. Rəqib isə ilk turda Slovakiya üzərində 1:0 hesablı qələbə qazansa da, sonrakı qarşılaşmalarında Xorvatiyaya 1:2, Macarıstana 0:1 hesabı ilə yenilib. Hazırda Uels 3 xalla 4-cü yerdədir. Hələ xal toplamayan Azərbaycan isə sonuncudur.

Səfər qarşılaşmasında Rahil Məmmədov məşqdə zədələndiyi üçün oynamayacaq. Kadiffə yüngül zədəli vəziyyətdə yollanan Mahir Emrelinin də meydana çıxması sual altındadır. Uels yığmasına gəldikdə, İtaliya "Yuventus"unun yeni transferi Aaron Remsi əvvəlcədən dəvət alsa da sonra heyətdən kənarda qalıb. Buna səbəb kimi yarımmüdafiəçinin oyun praktikası sarıdan əziyyət çəkməsi və matça hazır olmaması göstərilib. Onun əvəzinə kollektivə İngiltərə "Mançester Yunayted"indən Dilan Levitt cəlb olunub.

Qeyd edək ki, Azərbaycan millisi sentyabrın 9-da Bakıda Xorvatiya yığması ilə üz-üzə gələcək. Uels isə Belarusla yoldaşlıq görüşü keçirəcək.

AVRO-2020

Seçmə mərhələ, V tur

6 sentyabr

22:45. Uels - Azərbaycan

Baş hakim: Farrucia Kann Trustin

Baş hakimin köməkçiləri: Alan Kamilleri, Luke Portelli

Dördüncü hakim: Alan Mario Sant (Hakimlər briqadası Maltadandır)

Oxşar xəbərlər

"Bakıdan 3 xalla ayrılmaq həmişə çətindir" - Aaron Remsi

Milli komandamız Uelsə məğlub oldu - VİDEO

Millimiz Uels qarşısında nə edəcək? - PROQNOZ

Uels - Azərbaycan matçının hakimləri bəlli oldu

Millimizin rəqibi Belarusla yoldaşlıq oyunu keçirəcək