"Roma” ciddi itki ilə üzləşib. Apasport.az saytının xarici mətbuata istinadən məlumatına görə, yarımmüdafiəçi Alessandro Florenzi sıradan çıxıb. Dünən "Sassuolo” (3:1) ilə A seriyası matçının ikinci hissəsində zədələnən İtaliya millisinin üzvü dizindən ciddi xəsarət alıb. Belə ki, həkimlər 25 yaşlı futbolçunun sol diz ön çarpaz bağlarının yırtıldığını açıqlayıblar. Bu isə o deməkdi ki, Florenzi ən azı 4 ay yaşıl meydanlardan uzaq qalacaq.

Qeyd edək ki, Alessandro Florenzi cari mövsümdə "Roma”nın heyətində keçirdiyi 13 oyunda 1 qol vurub, 4 məhsuldar ötürmə verib.