Azərbaycan millisi noyabrın 11-də DÇ-2018-in seçmə mərhələsi çərçivəsində səfərdə Şimali İrlandiya yığması ilə qarşılaşacaq. Sportfm.az xarici mətbuata istinadən xəbər verir ki, Şimali İrlandiya millisinin baş məşqçisi Maykl Onil oyunöncəsi fikirlərini bildirib: "Bizi Azərbaycanla çətin oyun gözləyir. Rəqib ilk 3 oyunda 7 xal toplayaraq, yaxşı nəticə göstərib. Onlar qrupda heç kimin gözləmədiyi halda ikinci yerdə qərarlaşıblar. Azərbaycan hücum futbolu sərgiləyən yox, mütəşəkkil çıxış edən komandadır. Onların bundan əvvəlki 3 oyununu izləmişik".