“Yuventus” klubunun portuqaliyalı ulduz futbolçusu Kriştiano Ronaldo öz rekordlarına daha birini əlavə edib.

Sportfm.az xəbər verir ki, futbolçunun “Instagram” səhifəsindəki izləyicilərinin sayı 200 milyonu ötüb. O, “Instagram”da izləyicilərinin sayı 200 milyona çatan ilk şəxs olub. Hazırda onun bu səhifədəki izləyicilərinin sayı 200,3 milyon nəfərdir. Futbolçunun bu barədə şəxsi səhifəsində yerləşdirdiyi videogörüntülü paylaşıma 14 saat ərzində 11,8 milyon nəfər baxıb.

“Forbes” nəşrinə görə, “Instagram” səhifəsindəki paylaşımları 34 yaşlı futbolçuya ildə orta hesabla 47,8 milyon dollar qazandırır.

Dünyada təxminən 1 milyard insanın istifadə etdiyi “Instagram”da ən çox izləyici sayına görə sonrakı yerləri amerikalı müğənni Ariana Qrande (173 milyon), aktyor Dueyn Conson (“The Rock, 170 milyon), müğənni Selena Qomes (167 milyon) tuturlar.

Oxşar xəbərlər

Ronaldo "Instagram"da rekorda imza atdı - İlk dəfə...

Ronaldodan yeni rekord - 250 milyonu keçdi

Sosial mediada liderliyi əldən vermir

Ronaldu daha bir rekorda imza atdı - 150 milyondan çox izləyicisi oldu

Ronaldo Selena Qomesi geridə qoydu