"Beşiktaş”ın futbolçusu Tolqay Arslan milli komanda seçimini edib. Futbol11.az xəbər verir ki, daha öncə Almaniyanın 21 yaşadək futbolçulardan ibarət komandasında oynayan 26 yaşlı yarımmüdafiəçi Türkiyə millisini seçib. Bu barədə məlumatı "Beşiktaş”ın 18 nömrəsi Türkiyə mətbuatına açıqlamasında öz verib. Arslan qeyd edib ki, məsələ ilə bağlı yekun qərarı FİFA verəcək:

"Türkiyə milli komandasında oynamaq istəyirəm. Bu dəqiqə məsələ FİFA-dadı. Əgər FİFA icazə versə, "ay-ulduzlu” komanda üçün tər tökəcəm. Almaniya Futbol Federasiyası ilə danışmışıq,  onlar mənə müsbət cavab verdilər”.  

Qeyd edək ki, "Paderbörn” və "Borussiya”nın yetirməsi vaxtıla Türkiyənin U19, U21 və Almaniyanın U20, U21 millilərində oynayıb.