Dünyanı cənginə alan koronavirus pandemiyası bütün sahələrə olduğu kimi, böyük idman yarışlarına da təsirsiz ötüşmür.

Sportfm.az xəbər verir ki, Tokio-2020 Yay Olimpiya Oyunlarının 2021-ci il 23 iyul – 8 avqust tarixlərinə keçirilməsi gələn il təşkili nəzərdə tutulan 2 mötəbər yarışın da vaxtının dəyişdirilməsinə səbəb olub.

Bu yarışlardan biri gələn ilin 24 iyul - 1 avqust tarixlərində Slovakiyanın Banska-Bıstritsa şəhərində keçirilməli olan Avropa Gənclərinin Yay Olimpiya Festivalıdır. Tokio Olimpiadasının vaxtının gələn ilə dəyişdirilməsindən sonra təşkilatçılar fərqli yaş kateqoriyaları olsa da, EYOF2021-in 2022-ci ilin 24-30 iyul tarixlərində təşkil edilməsinə qərar veriblər.

2021-ci ilin 20-29 avqust tarixlərində Türkiyənin Konya şəhərinin qəbul etməli olduğu 5-ci İslam Həmrəyliyi Oyunları ilə Tokio Olimpiadası arasındakı qısa zaman kəsiyi səbəbindən İslam Oyunlarının Təşkilat Komitəsi bu yarışın 2022-ci ilin avqustunda keçirilməsinə qərar verib.

Qeyd edək ki, 2 ildən bir təşkil edilən EYOF və 4 idən bir keçirilən İslam Həmrəyliyi Oyunları üzrə son yarışlara Azərbaycan ev sahibliyi edib.

Oxşar xəbərlər

"Gələn il Tokio Olimpiadası keçiriləcək" - Tomas Bax

Yarışlara bilet almış azarkeşlər pullarını geri alacaq

İslam Həmrəyliyi Oyunlarının vaxtı dəyişdirildi

Olimpiya və Paralimpiya Oyunlarının açılışları ayrı keçiriləcək - Təşkilatçılar belə uyğun bildi

V İslam Həmrəyliyi Oyunlarının vaxtı müəyyənləşdi - Milli Məclisin deputatı məlumat verdi