“Qəbələ”nin daha iki futbolçusu “Sabah” klubuna transfer olunacaq.

Sportfm.az əyalət təmsilçisinin rəsmi saytına istinadən xəbər verir ki, bunlar 18 yaşlı Samir Məhərrəmli və 19 yaşlı İdris İnqilablıdır.

Yarımmüdafiəçilərin paytaxt klubuna keçidi ilə bağlı razılıq əldə olunub.

“Qəbələ” və “Sabah” arasında razılaşma 2019/2020 mövsümünün ardından qüvvəyə minəcək. Həmin vaxtdan Məhərrəmli ilə İnqilablı karyerasını Bakı təmsilçisində davam etdirəcək.

“Qəbələ” Futbol Akademiyasının yetirməsi olan yarımmüdafiəçilər Azərbaycanın 21 yaşadək futbolçulardan ibarət milli komandasının üzvləridir.

Hər iki oyunçu UEFA Gənclər Liqasında “Qəbələ”nin formasını geyinib. İnqilablı cari mövsümdə əsas komandada da debüt edib. O, “qırmızı-qaralar”ın heyətində 4 matç keçirib.

Bir müddət öncə Amin Seydiyevin də 2019/20 mövsümü başa çatdıqdan sonra “Sabah”a transferi ilə bağlı razılıq əldə olunub.

Oxşar xəbərlər

Fernan Lopes yenidən "Qəbələ"də - Müqavilə

“Qəbələ” 3 futbolçusu ilə müqaviləni yenilədi

Mövsümdə 11, tarixdə 22 - "Qəbələ"nin statistikası

"Qəbələ"nin futbolçusu "Sabah"da - RƏSMİ

"Qəbələ" akademiyasının yetirməsi ilə müqavilə imzaladı - FOTO