Borclarına görə bu mövsüm 6 xalı silinən "Dnepr”in başı dərddən qurtarmır. Apasport.az saytının məlumatına görə, Dnepropetrovsk təmsilçisinin daha 9 xalı silinə bilər. Bu barədə Ukrayna Premyer Liqasının prezidenti Vladimir Qeninson açıqlama verib. Federasiya rəsmisinin sözlərinə görə, UEFA Avropa Liqasının gümüş mükafatçısı eks-futbolçusu Nikolay Kaliniçə borcu qaldığı üçün növbəti dəfə cəzalandırılacaq. Qeninson həmçinin bildirib ki, əgər klub borcunu ödəməməyə davam etsə, onu daha böyük cəzalar gözləyir.