AFFA Ermənistan silahlı qüvvələrinin yaşayış məntəqələrimizi atəşə tutması nəticəsində Naftalan şəhərində  həlak olan Şəhriyar Qurbanovla bağlı FIFA və UEFA-ya müvafiq məktublar ünvanlayıb.

Sportfm.az xəbər verir ki, bu barədə qurumun saytı məlumat yayıb. Məlumatda bildirilib:

“Sentyabrın 27-dən etibarən Ermənistan silahlı qüvvələrinin yaşayış məntəqələrimizi atəşə tutması nəticəsində Naftalan şəhərində həlak olan ailənin üzvlərindən biri – 2007-ci il təvəllüdlü Şəhriyar Qurbanov 2017/2018-ci il mövsümündə AFFA-nın təşkilatçılığı keçirilən U-11 Liqasında UGİM (Naftalan) komandasının heyətində çıxış edib. Azərbaycan futbol ailəsinin 13 yaşlı üzvünün həlak olması ilə əlaqədar AFFA dərin hüznlə başsağlığı verir, bütün şəhidlərimizə Allahdan rəhmət diləyir.
Şəhriyar Qurbanovun Ermənistan silahlı qüvvələrinin yaşayış məntəqələrimizi atəşə tutması nəticəsində həlak olması ilə bağlı AFFA tərəfindən FIFA və UEFA-ya müvafiq məktublar ünvanlanıb”.

Oxşar xəbərlər

Goranboy və Gəncə yenə atəşə tutuldu - Ölən var

Erməni təxribatları nəticəsində 27 mülki şəxs həlak olub, 141 nəfər yaralanıb

AFFA-dan UEFA-nın üzvlərinə müraciət: #STOPCHILDMURDER

Elxan Məmmədov ermənilərin futbolla bağlı təxribatlarından danışdı

FİFA AFFA-ya başsağlığı verdi