"30 ilə yaxındır ki, Ermənistan Azərbaycan torpaqlarını işğal edib. Nəticədə 1 milyondan artıq azərbaycanlı qaçqın və məcburi köçkünə çevrilib. Bu müddət ərzində aparılan sülh danışıqları heç bir fayda verməyib".

Sportfm.az xəbər verir ki, bunu sərbəst güləş üzrə olimpiya, dünya və Avropa çempionu Şərif Şərifov Azərbaycan Güləş Federasiyasının rəsmi saytına açıqlamasında deyib. 32 yaşlı pəhləvan qarşı tərəfin qeyri-adekvat hücumlarına öz etirazını bildirib: "İşğalçılıq siyasətini davam etdirən Ermənistan sentyabrın 27-də növbəti dəfə atəşkəsi pozub. Ən pisi də odur ki, onlar dinc sakinləri hədəf alır. Nəticədə ölən və yaralananlar var. Həyatını dəyişənlər arasında uşaqların da olması dəhşətdir".

Şərifov bir olimpiya çempionu kimi dünya ictimaiyyətini Ermənistanı belə qeyri-insani addımlardan çəkindirməyə çağırıb: "İnanıram ki, tez bir zamanda Azərbaycan Ordusu bütün işğal olunmuş torpaqları azad edəcək".

Oxşar xəbərlər

"Ermənistan terror təşkilatı kimi davranır" - Fil Şarples

Paralimpiya çempionlarımız dünya ictimaiyyətinə müraciət etdi - Erməni vandalizmi ilə bağlı

Azad Rəhimov beynəlxalq təşkilatlara məktub ünvanladı

"Ermənistan hökuməti qəsdən müharibə yolunu seçdi" - Şəhriyar Məmmədyarov

Azərbaycan cüdo ictimaiyyəti bəyanat yaydı