Azərbaycan Voleybol Federasiyasının 1-ci vitse prezidenti, Milli komandanın baş məşqçisi Faiq Qarayev Yüksək Liqa (Kişi) komandalarının baş məşqçiləri ilə görüşüb.

Sportfm.az xəbər verir ki, Qarayev məşqçilərin problemləri ilə maraqlanıb. Mütəxəssis "Naxçıvan” və "Sumqayıt” komandalarına heyətlərini gücləndirməyi tövsiyə edib. Faiq müəllim qeyd edib ki, bu gün Naxçıvan MR-da komanda idman növlərində yalnız voleybol klubu var. Yığmamızın baş məqşçisi vurğulayıb ki, I dövrənin oyunları Naxçıvanda keçirilib və böyük əks-səda doğurub. F.Qarayev deyib ki, kişilərdən ibarət Milli komandamız İslam Həmrəylik oyunlarında ölkəmizi layiqincə təmsil etməsi üçün səylə çalışmaq lazımdı. 

Qarayev komandaların hər birinə uğurlar arzu edib və yaxın zamanda daha güclü bir liqanın olacağına inandığını bildirib. 

Qeyd edək ki, yüksək liqada yaxşı oyunu ilə seçilən oyunçular milli komandaya cəlb oluncaq.