Yunan-Roma və sərbəst güləş üzrə Azərbaycan milliləri bu gün növbəti təlim-məşq toplanışına start verib.

Sportfm.az xəbər verir ki, hər iki yığma ölkə xaricində toplanış keçir.

Yunan-Roma güləşi üzrə milli baş məşqçi Aleksandr Tarakanov və böyük məşqçi Rövşən Bayramovun rəhbərliyi altında Belarusun paytaxtı Minskdə məşqlərə başlayıb. “Stayki” Olimpiya Mərkəzində keçirilən toplanışda bir neçə ölkənin komandası iştirak edir. Hazırlıq prosesi fevralın 25-dək davam edəcək.

Sərbəst güləş yığması isə Dağıstana yollanıb. Mahaçqalada keçirilən toplanışa baş məşqçi Namiq Abdullayev və böyük məşqçi Zəlimxan Hüseynov nəzarət edir. Bu komandanın da ölkə xaricində hazırlığı fevralın 25-dək davam edəcək.

Qeyd edək ki, təlim-məşq toplanışları martın 18-dən 21-dək Macarıstanın paytaxtı Budapeştdə baş tutacaq Avropa Olimpiya Təsnifat turnirinə hazırlıq xarakteri daşıyır.

Oxşar xəbərlər

Yığmamız hazırlığa başladı

Güləşçilərimiz təlim-məşq toplanışını davam etdirir - Belarusda

Azərbaycan güləşçiləri hazırlığı davam etdirir

Yığmalarımız növbəti təlim-məşq toplanışına başladı

Güləşçilərimiz Minskdə təlim-məşq toplanışına başladı