Fransız Rober Marçand yeni bir rekorda imza atıb. 

Sportfm.az xarici mətbuata istinadən xəbər verir ki, 105 yaşlı veteran velosipedçi öz rekordunu yeniləyib. Belə ki, üç il öncə bir saata 26.927 km-lik nəticə ilə 100 yaşın üzərində idmançılar arasında 1-ci olan Marçand Saint-Quentin-en-Yvelines şəhərinin velodromunda daha bir ilkə imza atıb. 105 yaşlı qoca 60 dəqiqə ərzində 22.547 km məsafəni qət edərək tarixə düşüb. 

Qeyd edək ki, bir saata velosipedlə ən uzun məsafəni qət edən insan ingiltərəli Bradley Vigginsdir.  O, 54.526 km məsafə ilə dünya rekordunu əlində saxlayır.