Sportfm.az xəbər verir ki, Azərbaycan yarışa 15 idmançı ilə qatılıb. Onlardan bu gün mübarizəyə yeddisi qatılacaq. 

60 kq
1/16 finalda almaniyalı Mortis Plafkla qarşılaşan Davud Məmmədsoy tatamidən qələbə ilə ayrılıb. O, növbəti görüşdə hindistanlı Vijay Yadavı məğlub edib. 

Bu çəkidəki digər idmançımız Kəramət Hüseynov isə Eşli Makkenzi (Böyük Britaniya) ilə qarşılaşıb və rəqib "ippon"la təmiz qələbə qazanıb.

Nicat Şıxəlizadə 1/8 final mərhələsində Petr Jukovla (Rumıniya) qarşılaşıb və təmiz qələbə qazanıb. O, yarımfinal yolunda qırğızıstanlı Te Arturu məğlub etməyə çalışacaq.

Orxan Səfərov ilk görüşündə uduzub. O, İsrail cüdoçusu Amit Boboviçin ippon fəndi qarşısında aciz qalıb.

1/16 final: Leyla Əliyeva ilk cəhdindəcə uğursuzluğa düçar olub. Yerli idmançı Şira Rişoni həmyerlimiz üzərində təmiz qələbəyə sevinib.

1/16 final. Aişə Qurbanlı Tamar Malka (İsrail) ilə qarşılaşıb və rəqibini 1,25 dəqiqəyə ippona salıb. Onun növbəti rəqibi fransız Sirin Boukli olacaq.

1/16 final. Gültac Məmmədəliyeva turnirə qələbə ilə başlayıb. O, braziliyalı Eleudis Valentim ilə mübarizədə öncə vazari xalı qazanıb, ardından isə rəqibini "ippon"a salıb. Gültac 1/4 finala yüksəlmək üçün fransız Astrido Gnetoya qalib gəlməlidi.