AFFA İntizam Komitəsi Azərbaycan millisinin futbolçusu Ramil Şeydayevi 4 oyunluq cəzalandırıb.

Sportfm.az xəbər verir ki, səbəb kimi 25 yaşlı hücumçunun “Sabah-2” komandasının heyətində “Qaradağ Lökbatan”la I Divizionun XVI tur matçının 63-ci dəqiqəsində baş hakim Fərid Hacıyevi təhqir etməsi göstərilib.

Həmin epizodda o, birbaşa qırmızı vərəqə alaraq meydandan kənarlaşdırılıb.

İntizam Komitəsi futbolçunu I Divizionun qarşıdakı 4 oyununda iştirakdan məhrum etməklə yanaşı, klubu 320 manat cərimələyib.

Qeyd edək ki, görüş “Qaradağ Lökbatan”ın qələbəsi ilə yekunlaşıb - 2:1.

Oxşar xəbərlər

Mirabdulla maaşından "tərləyəcək" - Cəza

Mirabdulla Abbasova 4 oyunluq cəza

"Qaradağ Lökbatan"ın baş məşqçisinə cəza

AFFA "Keşlə"ni idman direktoruna görə cəzalandırdı

Allahquliyev aqressiv davrandı, komandasını ziyana saldı